Samata atupia mbili Genk ikiua 5-3.

Mshambuliaji wa Tanzania Mbwana Samatta nyota yake inazidi kuwaka barani Ulaya baada ya jana kuifungia Genk bao 2 katika ushindi wa mabao 5-3 dhidi ya Antwerp.

Samatta alifunga mabao hayo katika dakika ya 8 na 41 na kuiwezesha Genk kuongoza kwa ushindi wa bao 4-1 hadi kipindi cha kwanza kinamalizika.

Tayari nahodha huyo wa Taifa Stars ameanza kuwa maarufu kwa mashabiki wa timu na wengine wakidai jezi kutoka na uwezo wake wa kufumania nyavu uwanjani.